handt, von unden auff über sein rechte handt, und truck fast an deine brust, und stich ihm mit deim tolch zum gesicht.
Ⅲ.
Hat er den tolch gefaßt das die scheibe bei seinem daumen stehet, und sticht dir von oben zu gesicht, so far mit deinr lincken hand von unden auff innwendig seins rechten arms, und aussen über seiner rechten handt, und fahe ihm die handt mit dem tolch in dein lincke uchsen, und setz ihm an.
ⅡⅡ.
Hat er seinn tolich das die scheibe bei dem daumen stehet, unnd sticht dir zur seitten oder gemacht, so far mit deinr lincken handt von oben nider, und stich mit deinem tolch under sein rechte hand undersich, und mit deiner rechten übersich heb, und truck fast an dein brust, und schwing dich von ihm auff dein rechte seitten.
Ⅴ.
Hat er den tolch gefaßt das die scheiben an seinem kleynen finger steht, und sticht dir von oben nider, so faß du deinn tolch, unnd stich unden auff von deinr lincken seiten, gegen seinem stich, über sein rechte handt, und greiff mit deiner lincken handt under dein rechte in dein klingen und truck deinn arm vest zu seinem, und ruck undersich, das ist das verliesen.
Ⅵ.
Hat er seinn tolch gezogen, und du deinen nit, und sticht dir oben zu, so far mit deinem rechten arm von unden auff, und greiff im mit deiner rechten handt hinder sein rechte, unnd far mit deiner lincken handt von unden uff seinn rechten elnpogen, und nim ihm den arm gar über den lincken arm und wirff ihn.
Ⅶ.
Hat er seinen tolch eh gezogen dann du deinen, und sticht dir oben zu, so fah den stich in deinn lincken arm, und far von innwendig uß
