This page needs to be proofread.
Stich im Rapier vnd Dolchen nach der rechten Schulter.
Figur 41.
WElcher in dieser Profession dapfer vnd wol erfahren ist, wird sich nimmer in die Huth legen sonder auch ausser dem Maß des Gegenth. Huth in acht nehmen, vnd allgemach gegen dem entbloͤsten Ort an jhn setzen: vnnd wann er ins Maß kommen, jhm den Stoß geben, wie diese Figur zeiget, in welcher man die rechte Schulter bloß sihet. Doch muͤst jhr in acht nehmen, das jhr auff der Seiten des Rapiers an jhn setzet, vnnd so jhr merket daß er ewer in der Huth wartet so solt jhr einen starken Stich auff vorgemeldte Weise thun, da jhr die Faust vnd Rapier nach der Seiten Gegenth. Rapier wendet, wie jhr sehet, vnd das jhr nach gegebenem Stoß widerumb ausser dem Maß weichet, wie droben.