You are not currently logged in. Are you accessing the unsecure (http) portal? Click here to switch to the secure portal. |
Difference between revisions of "Page:Gründtliche Beschreibung der Kunst des Fechtens (Joachim Meÿer) 1570.pdf/64"
Page status | Page status | ||
- | + | Not proofread |
Revision as of 20:58, 3 April 2021
wenn er mit seinem streich von deiner Wehr wider vbersich abgeht / das du jhm mit der sterck deines Schwerdts nach volgest / vnd fallest jhm mit dem Schild von Vnden fúr die feust / das du sie jhm beide mit der sterck deiner Klingen fassest / stoß ihn mit dem Schild vbersich von dir / vnd Hauwe lang nach der Blósse.
Verschieben.
WAnn du im rechten Zorn stehest / vnd auff dich gehauwen wirt / so laß die Kling hinder dir hangen / vnd schich mit hangender Kling also vber dein Haupt vnder seine Kling / das du sein streich auff deine fleche empfangest / vnd dein Daumen den breiten weg auff deinem Schilt vndersich stehe / als dan magstu Winden oder sonst fúgliche arbeit / wie dichs am besten dunckt fúrnemen.
Hengen.
HEngen ist auß dem vorigen klar zůuerstehen / das mach also / Wan du im Pflug stehest / vnd dein widerpart auff dich Hauwet / so fahr mit deinem gefeß vbersich das die Kling etwas gegen der erden hang / vnnd empfach damit seinen streich auff deiner Klingen fleche / als denn arbeite mit Winden / der nechste Blósse zů.
Außreissen.
BIndestu einem von deiner Rechten / so verkehr im Bandt dein Schwerdt / vn reiß gegen deiner Lincken seiten auß / deßgleichen so ihr beide nahe bey samen im Bundt stehet / so befleißdich das du jhm mit dem Knopff von vnden zwischen die Arm kommen kónnest / vnd vbersich außreissen / oder hettestu jhm von Oben mit dem Knopff vber die Arm griffen / oder auff was weg das mag geschehen gewunden / so reiß vndersich auß / wie du denn hernach weiter im stuck hóren wirst.