Hebt er mit shilt[!] und mit schwert und wert daz so hau mit der lanngen schneiden Im nach dem rechten pain, daz get auch zu paiden seitten.
Das vierd stuckh
Item aus dem mitl hau mach die wer zu baiden seitten, Und den scheitler mit der langen schneit, Und stich In Unnden zu seinem gemecht
Das fünftt
Item Nim dein cling iu[!] dem puckhler in den linckhen hanndt, Und wint gegen Ime, als mit dem halben schwert haut er oder sticht er dir oben zu dem gesicht, oder unnden zu dem pain so laß dein rechte hanndt farn von dem pindt und versetz Im daz mit schilt und schwert, Und greif dann mit der rechten hannd auf sein rechte seitten, nach dem schidt[!] wol unnder sich und dree in auf dein rechte seitten, so hastu Im den schilt genomen
