Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/190

From Wiktenauer
Jump to: navigation, search
This page contains changes which are not marked for translation.

This page has been proofread, but needs to be validated.

Von der Wacht vnnd derselbigen zůgetheite stuck.

Das acht Capitel.

DJese Oberhůt ist der anfang des Oberhauws / vnd wirt darum Wacht genant / dieweil du also mit geferttigentem streich auffmerckest / vñ Wacht heltest / das / wo er sich mit Hauwen für dir blóst / du jhn als dañ mit hauwen von Oben verlangen kónnest / Dañ es hauw dein gegenpart auff dich wie er wólle / so kanstu jhn auß solcher Hůt verlangen / oder auff das wenigste jhm seine Háuw zu nicht machen vnd dempffen. Zů solcher Hůt schick dich also / stehe mit dem rechten Fůß vor / vñ halt dein Dusacken vber den Kopff / vnd laß die Klingrn hind dir abhangen / wie das Bild gegen der Rechten handt jn hieuoz getruckter Figur außweiset / damit du aber auch wissen múgest / wz hierauß zufechté seye / will ich dir solches durch etliche hienach gesetzte Erempel erkleré fürs erste.

Wie vnd auff was weise du einen mit gleichen háuwen vberlangen solt.

Jm zůfechten schicke dich in die Oberhůt / Hauwet dir dein gegáfechter außwendig zů dé Leib / es sey zům Arm / hoch oder nider / so mercke / Jn dem er sein Arm zům Hauw außstreckt / so tritt gegen seiner rechten von seim streich / vnd hauwe jhm außwendig vber sein rechten arm zům Kopff stark vor dir durch / das dein Dusack nach geschehenem hauw zů deiner Lincken in die Mittel hůt kome / von dannen hauwe vberzwerch gegen seinem rechten Arm durch sein gesicht / gilt gleich ob daßmit der Flechen oder mit der Langen schneid geschehe / so kombstu nach ende des hauws mit deim Dusacken zů deiner rechten Achsel / Von dañen hauw augenblicklich vñ behende zwen Zornháuw von beiden seiten Kreutzweiß gegen einander durch sein Gesicht.