Welliches Roß stetting ist. so nymb nesse wurczen. vnnd leg im die zwischen haut vnd flaisch bey den sporn , ~
Trit. trat. hail den trat, als gott an das hailig fron kreicz trat. vnd sprich fünf patter noster. vnd fünff Ave Maria vnnd ein glauben. ~
Welliches Roß nit faist ist. so laß es feirn ein monat. vnnd nymb einen meczen pon, vnd seud die. vnd leg sy dann an ein sonnen oder auff ein haissen ofen. vnd dorr sy wol vnnd mal diy dann zu mel. vnd misch jm dasselbe mels ein gauffen vol an das futter. die sollen vier woch(en)
So du wildt. das dir einem Roß nit würm wachsen. so nymb des grossen Ruebsamen vnd des kraucz centaureas, vnd gib jms des misten. oder zvir in dem jhar zu essen. es hilfft vnnd ist bewert.
Fur die kifer. nymb schwebel. vnd des nit zu vil. stoß jn klain. vnd sye jn auff das futter. ye ein wenig. biß das Roß das futer essen wird. du must es mit h[r]uig(en) in es pringen. bey zway oder drey tagen. vnd muest es int arbaiten ein weil. so scheist es alles das auß jm das jn jm ist.
Für die herczschlächtigkhait nymb die grossen anmaissen vnd reayr.[1] vnd seuds vnder ainander in wasser. jnn einent kessel. vnnd seich dann das wasser durch ein tuch. vnnd gibs dem pferd zutrinken. jst bewerrt vnnd wirdt gesundt
- ↑ Soll vermutl. „ire“ heißen.
