This page has been validated.
Merkch anefang Sechs stükch des degen daraus alle ring[e]n kömen der glidmas , daraus komen alle Stükch , die der deg[e]n Jnne hat vnd seine wider pruch , die dar - auf gehören , merkch ob er dir von oben stéch zu dem gesicht mit seine[m] deg[e]n So vach sein rechte hant bey dem glid in dein tenke hant vnd reyd Jm sein Arm aus - werts So hastu Jm den stich geprochen , willd du Jn bring[e]n zu ring[e]n so las deine[n] degen vnd greyff mit dein[er] rechten hand von vndt[e]n auf sein recht[e]n ellpog[e]n . vnd rukch einwerts gen der prüst So prichstu Jm den arm oder er mües vallen , das ist das erst stükch des deg[e]n als du es oben gemalet sichst -
