hant So merck hauptt er vff dich gegen diner lincken siten so peug din messer vnter sin messer wol vff din lincke siten Indes spring wol vff sin siten vnter sin messer vnd begriff sin arm Inlbendig bÿ der hant vnd druck mit dem lincken arm Inlbindigs zwiffach zwuschen sin hant vnd gehultz starck vff din lincke siten so nÿmpstu im aber sin messer ~
Item haut er gegen dir eyn ober haulb so haulb auch glich mit Im Indes wind din messer mit der zwurch eyn wendig vff dz sin vnd griff Indes mit dinem lincken arm vber beide messer dz die peide spitzen hinter dich vnd vnter dinem lincken achseln hyenuß sten Indes far mit dem gehultz vnten durch sin rechten arm vnd wind vßwendig din gehultz uber sin rechten hant vnd riß starck vbersich vff din rechten siten ~ ~
Item griff im sin messer als vor vnd far mit dem gehultz Inlbendig oben vber sin arm vnd riß starck vnttersich vff din rechten siten Sequitur textus
Sequitur ist er dz gelenck prellen
