gehultz gefaren vber din messer vnter dinem hals vnd mit der lincken hinten an din lincke achsel so loß din messer fallen vnd far mit diner rechten hant durch sin peide arm oder zwuschen sin beide arm vff vnd far mit der rechten hant vber sin rechten arm hinden an dem elnbogen vnd zuch do mit starck gegen diner rechten siten vnd far mit diner lincken hant vßwendig vnter sin rechten elnbogen diner rechten hant zu hilff vnd wind din lincke siten an sin rechte vnd schub mit peiden henden mit gantzer karfft vff din recht siten so kümpt dir sin rechten arm geschlossen vber den lincken vnd auch sin messer also hastu den verborgen griff genant gemacht ~
alliud
Item hat er dich mit dem gehultz gefast als vor vnd will dir aber dz sünnen zeychen machen so far mit dem messer vntter sin beide arm vff din lincke siten dz der ortt hinden vssen ge vnd fal zu gewopenter hant vnd far vff mit dem gehultz vnd far vff mit dem rechten arm vnd wenck mit der prust eyn wenig zu ruck Indes stos mit dinem gehultz starck an sin elnbogen vswendig
