Daß ist das dü die noch reissen solt triben zu beiden siten vnd den schnitt dar rin bringen vnd dz vernym dz also wen er sich vor dir verhaulbet es sy von der rechten oder lincken siten so haulb im frolich noch zu der ploß vert er dann vff vnd pindt dir vnten an dz schwertt so merck als bald ein schwertt an dz ander glitzett so fal im Indes mit der langen schniden vff sin arm vnd truck mit den schniden vntersich oder schnidt im noch dem maull ~
¶ wer vnten remett
Were vnten remet
Vber lovff den der wirt beschemet
Wan es glitz oben
So sterck das hor ich loben
Dÿn arbeÿt mach
Oder drueck zwÿffach
Daß ist wen dir eyner vnten zu vichtt wie du In solt vber lauffen dz vernym also wen du mit dem zu vechten zu Im kümpst haulbt er dir dan vnten zu dz versetz im nichtt sünder merck wen sin vnter haulb gegen dir getth so haulb im von diner rechten achseln von oben lanck vnd schueeß im den ort lang yn zu dem gesichtt oder zu der brust vnd setz Im an so kan er dich
