siten oder tribe den schnidt ym vber sin arm zü dem kopff ~
Item aber ein noch reissen
wan du gegen im vichst vsß vnter haulben oder vß den strichen oder legstu dich gegen im in die hutt alber velt er dir dan mit dem schwertt vff dz din ee wan du vff kümpst so plib also vnten am schwertt vnd heb vber sich wil er dir dan vß der versatzüng ein haulb oder im schwert In winden so loß in von dem schwert nit ab kümen vnd volg im dar an noch vnd arbeit do mit zu der nechten plosß ~
alliud ~
Item merck du solt ym vsß allen hutten vnd vsß allen haulben noch riessen also bald du erkendest wan er sich vor dir verhaulbett oder entplosset mit dem schwertt
|¶ Dz fullen lere dz wortt
Das fullen lere das wort
Indes das verschneidet sere
Wiß dz am schwert dz fuellen dz fullen vnd dz wort Indes die grůste künst ist vnd were ein meinster des schwertz ist oder an sin will kan er nichtt dz wortz Indes so ist er nit eyn meinster er ist ein bueffel des schwertz darvmb soltu vor allen sachen gar wol leren dz wort Indes vnd dz fullen ~ ~
