Item versetz Im den Uberhaw als vor auß der hut unnd reit neben Im hinweckh unnd schlag In mit ainnem freien uberhaw ~ Zu dem kopffe.
Item Jagt er auf dich mit der Gleven wenn du Inn der hut ligst, so far hoch auf mit der rechten hannd mit dem knopff auff dein linncken seitten unnd laß den ort neben dir nider hanngen und weijs Im die Gleven also ab unnd haw Im zu dem kopff oder setz Im an zu ~ Dem hin rennen.
Item kompstu nachent an In mit der linncken seitten unnd er will schlagen mit dem schwert, so nimb das Sunnen zaigen, so mag er sein nit thun
Auch magstu den Schoffpgriff nemen wann er sich mit der linncken hannd wehren will.
