die klingen. vnnd prich vnndersich. Also das Im der spitz seines dolchens khum Inn sein leib ist er Inn harnasch vnnd last dich begreiffen alls. vor Inn dem nechsten stuckh geschriben steet. das magst du prechen als du Inn dem vordern stuckh gelert bist.
Das fünfft tail sagt von dolchen gögen dolchen.
Sticht er den vnndern stich. das versetz Im starckh mit deinner linckhen hannd vnnd Inn der versatzung fahr bald mit deinnem dolchen vber die baid arm vnnd schlag den Ort nider vnnd mit deinner linckhen hannd begreiff den ort vom dolchen vnnd truckh den knopff auf den lincken arm so hast Im den arm gefangen.
