Dem Wollgebornennn herrnn, herrn Ottho grave zu Sulms, hern zu Muntzenberg unnd Sunnenwaldt etc., meynem gnedigen Hern.
Wollgeborner gnediger herr, Euer Gnaden sey mein underthenig willig diennst jeder zeit bevor. Gnediger herr, es habenn die alte schribenten nit ohnn sonnderlichenn ursachenn mit allem fleiß die ritterliche freye kunst des fechtenns in ihrenn buchernn gelobt unnd gerumet, unnd dieselbige den furstenn unnd herrenn ingebildt und mit ernst befohlenn, furnemlich aber dweil mehrer theils ritterliches kampfs unnd furtreffentliche thatenn daher entsprungenn glaubwürdig gelesenn würt, dan was bey trefflichen gemutheren, fur manheit herauß enntsanden, was fur Lob auch dadurch inn hoechstenn befelchenn unnd Krieges verwaltung erlangt sey wordenn, zeygen nicht alleim der griechenn unnd roemer historienn, sonder es beweist auch die taeglich erfarung, das der so sich in allerley ritterspill unnd fechten ubet
