Wer dyr das remet,
uber griff, den der wirt beschemet,
truck arm zu haubt,
der gryff offt sattel beraubt
Item kompt er mit seynner lyncken seyten an deyn rechte und hat begryffen deynnen lyncken arm mit seyner lyncken hant, so went dych gegen in und var gerychts in wenig auff mit deym rechten arm, und trug in hynden mit der sterck deynes arms seynen arm hyn weg und schlag domit den arm uber seyn und reyt vor dych
Item ist er nycht starg und kompt mit seyner lyncken seytten an deyn rechte und greyfft mit seyner lyncken hant nach deyner lyncken, so var von unden auff hynder dych uber seyn lyncken, und reg den arm gerycht auff und druck im da mit den seynen fast hynder bey seynem nacken und reyt vor dych,
wyltu den arm nycht auff recken, so schlach in uber seyn arm und truck vast nider
Item auch magestu mit deynem rechten arm von in wenig auff uber seyn lyncken Schlehen und hynden an dych drucken und hynweg reyten
Wyltu aber dych mossenn
das vahes leycht von dyr lassen,
ryngest dann fur
gefangen hyn on schnur
