Page:MS 3227a 17r.jpg

^cCZu allem fechten ·
gehört dy hölfe gotes von rechte /
Gera der leip vnd gesvnder /
eyn gancz vertik swert pesundern /
Vor · noch · swach sterke /
yndes · das wort mete czu merken /
Hewe stiche snete drücken /
leger schütczen stöße fülen czücken /
Winden vnd hengen /
rücken striche sprönge greiffen rangen /
Rischeit vnd kunheit /
vorsichtikeit list vnd klugheit /
Masse vörborgenheit /
vernunft vorbetrachtunge fetikeit /
Vbunge vnd guter mut /
motus gelenkheit schrete gut /
In den seben versen da /
sint dir fundament principia /
Vnd pertinencia /
benumet vnd dy gancze materia /
Aller kunst des fechten /
das saltu betrachten rechte /
Als du auch eigentlich /
hernocher vnd sönderlich /
wirst horen ader lesen /
itzlichs noch seynem wezen /
Fechter des nym war /
zo wirt dir bekunst bekant dy kunst gar /
Of dem ganczen swerte /
vnd manch gut weidelich geverte /