premier garde, ainsi auras tu le dessus & pour la force & pour la garde.
Chap. 3.
Pour assaillir de seconde de premier abord je veux que tu ailles attaquer ton ennemy de seconde, afin qu’il te tire, & en tirant tu pareras du pougnart & lui donneras en la teste
Pour monstrer la deffence que peut faire ton ennemy a ton escrime, s’y tu va tirer comme j’ay dit resolument, ton ennemy te pourra donner d’une premiere en l’estomac, ou un estramasson sur la teste du costé droict, ou d’un revers mais faisant comme jay dy, s’y dessus tu seras vainqueur, bien qu’il soit en premiere, tu luy pourras tirer un faux en la main, pour le provoquer de faire rispose de pointe ou de taille, ou bien d’un faux a la main, il pouroit tourner la main et esquiver du corps, te frappant d’une quarte en l’estomac, ou bien retirant la main, & l’espee il pourroit ensemble avec les armes aller dessus la tienne, cest à sçavoir avec lespee & le pougnart, et pouroit encor faire dautre coups
