This page needs to be proofread.
XXXIII r
Mit lerer handt wehr nim,
Uberwind uff linck, truck geschwind.
Geh starck an mit dem Entrüsthaw zu seiner lincken seitten Im anbinden far mit dem ghültz über sein messer, an seinr rechten, Far mit dem creutz innwendig in seinn rechten elnpogen, stoß starck, mit der lincken handt fall ihm an seinen bundt, hinder seiner rechten handt, reiß starck an dich.
Messer nehmen mit lerer lincker handt.
Hawt er zur lincken, bieg dein messer under seines, zu deiner lincken, Spring wol uff dein rechte seit, under sein messer, greiff seinen arm inwendig bei der handt, truck mit dem lincken arme innwendig zwischen seine handt unnd gehültz starck uff dein lincke seitten, so nimpsts ihm.
Bruch des ersten.
Ist er das gelenck prellen,
Gleich solt wider schnellen,
Nim ghültz, ring, reiß,
Das man dir sag preiß.
So er mit dem gehültz also dein rechte überfellt, In des far ihm auch also über, mit dem creutz in sein elpogengelenck, schiebe von dir, greiff linck an sein ghültz under seinr rechten, reiß starck linck an dich, so kompst ihm vor.
Bruch des anderen.
So er, wie obsteht, deinn arm gefaßt, In des komm deinr rechten handt mit der lincken zuhülff, begreiff damit dein ghültz unden, reiß starck von oben nider.
Ein ander messer nemen.
Linck underfar den rechten,
Mit ghültz überreiß im vechten.
Steh mit dem lincken fuß für, und halt dein messer uff deim
