Permutatio utriusque equitis hastarum.
Ea ratione te ad praedictam dimicationem praeparato, iniecta hasta hamo superno, pectus hostis superne hastae equestris cuspide impugnes. Sin veri is idem contra te usurparit, tum et tu vicissim contra incurras, nec non ab hastae adversarii parte anteriori tua transmutes de latere tuo dextro in ipsius itidem dextrum, et fortiter eam removeas, buculamque eius impugnes. Verum si is pari ratione te adpetat, remota sinistra de habenis in ipso cursu, inde si hastam ipsius removeris, eadem de tuo latere sinistro versus dextrum tuum te liberaris ab omni periculo.
