This page needs to be proofread.
dye dw auff eynem machen pist yndeß duplir yndeß mutir yndeß wechsel durch yndeß durchlauff yndeß peschleuß yndeß nymb den schnydt yndeß ring yndeß messernymb yndeß penymb yndeß durchgee yndeß ablauff yndeß thu waß deyn hertz begert yndeß ist eyn scharpffeß wortt da mit dy meyster hartt verschnytten werden und zw vor aüß dy meyster dy deß worcz yndeß nicht wyssen noch vernemen alzo hastu gar genaw yn dysem püch den meystern teyl der künst deß messerß und den grosten gründt etc
Et sic est finis
Alzo hatt her hannß lecküchner von nurnberg dyseß puch geticht gemacht und geendt gott ym den heyligen segen sendt vergeb ym seyn ubel missetat und schuld und pebeyß ym seyn barmherczige gottliche gnad und huld
·:· Amen ·:·
