Item felt er auf den pauch so fall mit eine~ knÿe auf sein arm~ im gelenck vnd prich vbersich
Item wenn er auf dem pauch leit so sitz auf in vnd schreit vber sein arm~ vnd prich ÿm sÿ
Item sitz ÿm auf sein achsel schritling vnd zeuch ÿm den kopf vber sich
Item sein rechte hant auf dem ruck wol vber sich gedaucht
Item greift er dir in dein visir mit den vingerñ wenn es offen ist von vnden auf wenn du auf dem pauch leist so schlach mit dein° lincken hant an sein lincke
oder mit der rechten auf sein rechte vnd ruck an dich vnd druck dein haubt zu° der erden vnd hilf mit henden vnd mit fuessen so kumpstu auf ~
Aber ein pruch
Item begreif sein lincke hant mit deiner lincken vnd zuck an dich fall auf den ruck vnd mit der rechten hant begreif sein pain vnd heb vbersich so kumpstu auf ~
Ob du auf den ruck felst
Item ob dich einer auf den ruck würft so merck in dem als du fellest so leg dein lincke hant auf dein prust vnd wenn er auf dich felt so begreif mit dein° lincken hant seinen lincken elpogen vñ mit dein° rechten hant greif vnder sein lincks knÿ vñ heb vbersich vnd mit dem leib schupff dich rasch auf in dem fäl so chumpstu auf ÿn ~
Ein ander pruch
