Merck wenn er felt so fall Im albeg zu° der rechten seitten vnd mit dem rechten knÿe fall zwischen sein pain vnd mit der lincken hant fal fur seinen hals vnd pis nicht zu° Jach das du nicht zu fer° vber In fellest vñ greif nach seine~ degen vnd zeuch denn deine~ nicht du habst in deñ gewiß wil er dir denn in den degen fallen so stich in zu° der hant ~
Ein anders halden
Nÿm sein rechten arm~ zwischen deine pain vnd leg dich auf in tzw twirchs vñ streck dich vast vnd halt deine pain fest zu° sãmen vnd greif mit der lincken hant in sein linken arm~ vnd hald in also vnd arbait mit der rechten hant mit dem degen das get zu° paiden seittñ ~
Aber ein halden
Wenn du neben in fellest so nÿm sein haubt vnder dein lincks vchsen vnd vmb vach in mit dem hals vnd leg dich mit dem leib oben vber sein antlütz vnd arbait mit der rechten hant ~
Aber ein halden
Felt er auf den ruck so fall im mit deine~ rechten knÿ zwischen sein pain vnd vaß Im den rechten arm~ in dein lincke knÿepüg vnd sitz dar auf vnd begreif sein lincke hant mit deiner rechten vnd ruck Im die vnder seinen hals vnd hald in fest mit der lincken hant vnd arbait mit
