knopf auswendig vber sein rechts pain in die knÿekel vnd heb do mit vast auf So wirfstu yn hinder dich
Das vierd stuck
Merck wenn dw stest in der vnderñ hu°t vñ er in der öberñ wil er dir denn oben an setzen So stich Im vber seiner vorgesatzten hant durch vnd dem swert vnd druck den knopff gegen der erden vnd setz Im an zw seiner rechten seitten
Das fünfft stuck ist ein pruch wider das durchstechen
M·erck wenn dw Im aus der vnderñ hu°t zw stichs Sticht er dir denn aus der oberñ hu°t Durch · zwischen deiner vorgesatzten hant vnd dem swert vnd druck den knopf gegen der erden vnd wil dir ansetzen so merck die weil er den knopf nÿden druckt So var auf am swert in die öber hu°t vnd setz ÿm an
Das Ist das sechst stuck
Wenn dw stest in der vnderñ hu°t So stich ym freÿleich dar aus starck zw dem gesicht Sticht er denn mit dir geleich ein vnd beleibt dir mit dem ort vor dem gesicht vnd wil dir an setzen So var auf am swert in die ober hu°t vnd setz ÿm an in das gesicht Vert er denn auch auff mit dem lincken arm~ vnd wil dir do mit vorsetzen So zuck vnd setz ÿm den ort vnder sein lincks vchsen vnd dring fur dich
