hu°ten treibt hernach verklert wird ~
Hye merck die erst hu°t mit dem kurtzñ swert zw champf mit Irñ stucken vñ ir° schickung
Merck das ist die erst hu°t zw champf Do schick dich also mit Stee mit dem lincken füess vor vnd halt dein swert mit der rechten hant peÿ der hanthab vnd mit der lincken greif mitten in die klingen vnd hald es neben deiner rechten seitten vber dem haubt vnd las Im den ort hangen gegen dem gesicht ~
Merck das erst stuck
·: · · ·~Wenn dw stest in der oberñ hu°t Stet er denn gegen dir In der vnderñ hu°t vnd wil dir vnden zw stechen das solt ÿm nicht werñ noch vorsetzen sunder stich Im zw dem gesicht Oder setz ym oben an so mag er dich vnden nicht erlangen wenn alle öberñ an setzen prechen vnd ledigen die vnderñ Oder sticht er dir oben zw° Es seÿ zw dem gesicht oder wo es seÿ das soltu ÿm weren Dor vmb das er dich oben nicht vber leng mit ansetzen
Aber ein stuck
Merck wenn dw stest in der öberñ hu°t sticht er dir dann vnden zw° So stich von oben nÿden durch zwischen dem swert vnd seiner vor gesatzten hant vnd druck den knopf zw der erden vnd windt deinen
