M·erck felt er dich an mit paiden henden In die arm~ oder an die prust helt er dich denn nicht vest So begreiff sein rechte hant mit deiner rechten vnd zeuch In also do mir fur dich vnd mit der lincken vass In peÿ dem elpogen vnd schreitt mit dem lincken fuess für sein rechten vnd ruck In also dar vber so felt er Oder wenn dw In mit dem rechten arm~ für dich zeuchst So vall Im stack mit der prust dar auf So prichstu Im den arm~
Aber ein ringen
Merck wenn er dich an felt mit ringen So begreiff mit der lincken hant seinen rechten arm~ vorñ pey der hãt vnd ruck yn zw° dir auf dein lincke seitten vnd slach dein rechten arm~ mit sterck vber seinen rechten In das gelenck seins elpogens vnd prich mit der lincken hant sein rechten arm~ vber dein rechten vnd spring mit dem rechten fuess hinder sein rechten vnd wurf in vber dein rechte hüff hüf
Das ist aber ein Ringen
Merck wenn dw mit ym ringest vñ chumpst mit dem leib nahent an In fert er dir deñ mit dem lincken arm~ vber dein rechte achsel vmb den hals So var mit dem rechten arm~ aussen
