Das ist der text vnd die glos das man alle Ringen sol wissen zw paiden seitten zw° treiben
Von paiden henden
Ob dw mit kunst gerest zw enden
Glosa Merck Das ist wenn dw kunstleichen enden wild mit ringen So soltu die ringen von paiden seitten wissen ze treiben vnd das vernÿm also wenn Im springst mit dem rechten fuess hinder sein lincken Als vor geschriben stet tritt er denn ÿm sprung oder die weil dw springst mit dem lincken fuess zw ruck So schreit ÿm pald nach mit dem lincken fuess hinder sein rechtñ vnd treib die verridlñ vnd die versliessñ die dw vor vernomen hast
Das Ist der text vnd die glos der stuck die man sol treiben mit dem swert gegen der glefen
·Ob es sich ver ru°ckt
das swert gegen sper wirt ge zuckt
Der stich Ja war nÿm
Spring vach ringens eil zw ym
Glosa merck das ist wenn dw dein glefen verschossen hast Behelt er denn die sein So nÿm gar eben war wie er sÿ gefast hab Ob er den ort lanck oder kurtz für sein vor gesetzte hant läst fur gen vnd ob er dir oben oder vnden do mit wil zw stechen
Hie merck das stuck
· · · ·
