vnd begreiff do mit sein lincken arm~ vnd zeuch In do mit vast zw dir vnd mit der rechten hant var Im vnden an den kintpackñ vnd stös ÿm do mit sein antlütz vber sich zu° perg gegen der sunnen So gewint er den swanck vnd felt für dich Oder vnd kumpstu mit der lincken seitten an sein rechte So vass In als vor vnd wurff in hinder dich
Das lert die xv figur Die spricht also In der näch vach die hant ver ker sein antlütz do der nack ist ~
Das ist der text vnd die glos wie man pricht das sunnen zaigen
Wer dir das rempt
vbergreiff den der wirt beschempt
druck arm~ zu° haubt
der grif oft satel beraubt
Glosa merck den pruch treib also wenn er chumpt mit seiner rechten seitten an die dein vnd felt dir mit der rechten hant vnden an den kintpacken vnd wil dich also von ÿm stossen So slach deinen rechten arm~ vber seinen rechten vnd druck yn an dein prust vnd reitt für dich so ist es geprochen Oder prich es mit dem schaf griff vnd wie du Im den arm~ zu° haupt drucken solt das vindestu vorñ in dem strauffen geschriben ~
das ist der text vnd dir glos vonn dem verporgen ringen
Wiltu aber dich massen
des vahens liecht
