Im mit dem rechten arm~ durch seinen rechtñ vnd druck den arm~ vast in dein rechte seittñ vnd reit für dich So nÿmpstu Im sein swert
Das lert die vierd figur Die spricht also Setz an hoch swing durchfar oder swert pricht
Das ist ein swert nemen
Merck wenn dw zu° Im reittest so leg dein swert auf den lincken arm~ Inn die hu°t haut er dir denn oben ein zw dem kopff So var auff vnd vorsetz das dein ort gegen deiner lincken seitten ste vnd reitt do mit an in vnd var mit dem knopff Innwendig auf vber sein rechte hant vorñ pei dem gehultz vnd druck sein hant mit deinem arm~ vast an dein prust vnd reit für dich so nÿmpstu Im sein swert
Aber ein swert nemen zw ross
·M·erck wenn du Im oben ein haust vorsetzt er vnd chumpt do mit nahent an dich So var Im mit dem knopf aussen vber sein rechte hant vnd stos die hant mit dem gehültz für dich zw deinem satelpogen vnd begreiff mit der lincken hant seinen swertzknopf vnd reit fur dich so nÿmpstu Im sein swert ~
Hie merck den text vnd die glos von einem stechen vnd ein winden mit dem swert zw ross
wildw geruet
lanck jagen Das sere müet
