Convertendi habitus addita sternendi ratione.
Ein anders ringen auss dem Tolchen.
Item halt dich also mit disem stuck in dem zufechten Trit mit deinem linggen schenckel hinein/ vnd stich Im ainen oberer stich zu seinem gesicht Sticht er also auf dich so nimb Im das ab mit/ dem kreutz deines tolchens auff dein lingge seitten In des greiff mit deiner linggen hand von/ vnden uber deinen rechten arm nach dem ort seines tolchens wind damit vndersich so muss/ er dir dem lassen hat er dir deinen tolchen also ausgewunden so greiff mit deiner linggen/ hand Inwendig in seines rechten arm wol bey der hand vnd mit deinem kopff gib dich wol/ nider das In seinen rechten arm wol auf dein lingge achsel bringst In des far Im mit/ deiner rechten hand Inwendig zwischen seiner baid schenckel bey den gemechten heb damit/ starck ubersich vnd seinen arm zeuch vndersich zu dir so magst du In werffen oder hin//tragen wa du hin wilt.
