deinen ledigen arm, unnd will dich werffen, so greif ine balld, mit deinem vnndtren arm, hinnden herüber seinen arm, unnd ruck ine herfür, so brichtstu ine den arm ab, unnd wirfst ine auffs maul, das geet zu beden seitten.
Nota.
Item So du enntpfinndest, das dich ainer auß dem haggen will bringen, so spann dich gehlinngen in ine, so trit mit dem selbigen fuß für in, unnd kere ine die hüfft in die schoß, unnd greif ime mit deinner linnggen hand binnden nach dem bain, so wirfstu ine über den ruggen, und geet zu beden seitten.
Ein annders Rinnggen..
Item Übereilt dich ainer, unnd brinngt bede arm unndter, unnd hebt dich, unnd will dich werffen oder drucken, so greif ine mit beden hennden auffs haubt, und dauch ims oben hindan, unnd stosse ims hinden nider, so stostu ime den hals ab..
Ein Fassen.
Item Fasst dich einer mit seiner linnggen hannd, bei dein goller, unnd mit der rechten unndten bei der juppen, so greif ime mit deiner linnggen hannd
