Zwan absetzen vom baiden seiten
Item: wann du mit dem zufechten zu dem ajan geest, so schich dich also Inn das absezten stannd mit deinnem rechten fuoss vor und halt den duseggen an deinner rechten prust, Indes volg mit deinnem lincken schenckel hinnach und haw Im von unnden nach seinnem rechten arm, Hawt er dir also nach deinnem rechten arm unnd du auch Inn dem absetzen steest deinnem rechten fuoss furgesezt, so sez Im das ab mit deinner lanngen schneid, Indes volg mit deinem lincken schenckel hinnach und begreiff mit deiner lincken hand sein rechte und haw Im zu seinnem haupt, Hat er dich also begriffen und hawt dir oben ein, so sez Im mit deiner lincken hand an seinnem rechten Elenpogen, sotst Im der haw verschoben, Indes zuch deinnem rechten arm zu dir unnd trit hinder sich unnd haw Im damit zu der obern plosse, versezt er dir das furbass, so fatss Im wider nach mit der zwirch zu seinnem haupt, Zwirch er dir also zu so fatt Im krump ein und schneid Im zu seinnem gesicht unnd haw dich damit zuruck.
