Wiktenauer logo.png

Page:Maniement d'Armes d'Arquebuses, Mousquetz, et Piques (Jacob de Gheyn II) 1607.pdf/12

From Wiktenauer
Revision as of 16:33, 8 November 2018 by Michael Chidester (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

14. Et à la troisiesme, laissant couler la Pique commodement, estendra le bras droit, empoignera bien fort la Pique, mettant le coulde gauche contre la hauche fermement, cy apres sera monstré, comme en trois temps il faudra replanter, ou poser la Pique en terre.

15. Comme a la premiere reprise, il poussera le derriere de la Pique vers bas avec la main droite, pour ainsi la faire hausser commodement par le devant.

16. A le deuxiesme, il prendra la Pique de la main droite, pardessus la gauche, aussi loing que bonnement il pourra toucher.

17. Et pour la troisiesme, remettra la Pique en terre, la rengera contre le poulce, la tenant bien, comme il est dit à la premiere figure, aux deux suyvantes, sera monstre, comme portant la Pique droite, il la baissera, ou presentera en un seul temps. Et pour ce qu’aux precedentes figures, il est assez monstré, comme la Pique estant plantée, on la reportera haulte en trois temps, il à semblé impertinent de le representer derechef icy, seulement se remet en memoire.

18. Ayant levé la Pique en trois temps, & prise au bout d’en bas de la main droite, ainsi qu’a este monstré cydevant, il la fault ranger contre le mesme bras.

19. Comme ayant porté la Picque haulte, il la prendra plus hault de la main gauche, & la portera en un temps, & la voulant planter, cela se fera en la sorte quil est monstré par les precedentes representations, mais ayant baissé ou presenté la Pique, s’il la veult reporter hault, cela se fera en un seul temps.

20. Comme estant en garde, à une porte, à l’entrée, ou sortie de quelques gens, tiendra la Pique a la pointe, ainsi que se voidt icy representé.

21. Comme il portera la Pique en trainant, la tenant prez de la pointe, serrera la main ferme contre le corps pardessus la hauche, & la voulant presenter, ou porter d’aultre sorte, il fault quil le face l’empoingnant à reprises ou palmiant, comme les deux portraitz suyvans le monstrent.

22. A la premiere reprise, ayant premierement de la main droite, poussé la Pique en avant aussi loing qu’il pourra, il la r’empoingnera de la main gauche, par dessoubz, pour l’avançer de mesme.

23. Comme palmiant ou avançeant la Pique de la main gauche, il la poussera plus en avant, & sa main droite qui estoit devant, il le tiendra preste, pour la reportera en arriere.

24. Comme ayant avançe toutte la Pique, en palmiant, & la tenant ferme, il la presentera, mais en cas quil la veuille encor porter en trainant, il fault quil la retourne, en arriere la palmiant comme dessus. Et est à remarquer, qu’encor qu’ainsi soit, qu’on n’ayt icy posé que deux figures, & que par cela on pourroit presumer, quil fauldroit (en palmiant) presenter la Pique justement en trois temps, ce n’est touttesfois nostre intention, ains la fault tant & si souvent reprendre, en conformité desdites deux figures, qu’on ayt attaint le bout, avec la main droite.

25. Comme pour attendre un Cavaillier, il poserà la Pique contre le piedt droit, & d’un chemin tirera son espée, par en dehors du bras gauche, comme le demonstre ceste figure.

26.Comme en marchant avec la Pique sur l’espaule, il pourra (au besoing) se tourner, vers le coste gauche, & presenter la Pique, en arriere, en trois temps.

27. A la premiere reprise, ayant levé la Pique en hault avec la main droite, de dessus l’espaule, il la prendra egallement de la main gauche, afin qu’il la puisse commodement lever, pardessus la teste.

28. Ayant la Pique au dessus de la teste, en la main gauche, s’estant de’ja tourné, vers le coste gauche, il l’empoignera au bout, avec la main droite pour la deuxiesme reprise.

29. Et comme il est dit, pour la troisiesme fois, il presentera la Pique en arriere, & se tiendra ferme, estant entierement tourné, les trois figures suyvantes, monstrent, comme il se remettra, & marchera ainsi qu’a este veu, par le 26. portrait.

30. A la premiere reprise de ce maniement, il prendra la Pique de la main gauche, le plus loing quil pourra, s’aprestant pour retourner.

31. Sestant retourné vers le coste droit, levera la Pique de la main gauche, pardessus la teste & la prendra & recevra (en arriere) de la main droite.

32. A la troisiesme fois, il reprendra la Pique en la main droite, & la posant sur l’espaule, la portera plate, debiais, ou droite, selon la necessite.