Wiktenauer logo.png

Page:MS M.I.29 139v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

oben sten vnd würff den din swertt fast von dir auff din lincke siten vnd ker dich gegen ÿm auch auff din lincke siten vnd wend mit dinem knopff aussen vber sin rechte hant vnd schlag ÿn mit dem knaupff vnd mit dem gehultz wo dü willtt

Das sechst reÿssenn

Item Wen die schwertt beyd gefangen sint so wurff den knoupff fast von dir auff dine rechte siten vnd auff sin lincke siten vnd spring mit dinem rechten peyn hinter sein linckes vnd griff mit diner hant von vnten auff ÿm In sein rechte vchsen vnd heb mit dinem swertt vber sich So wurfstu ÿn auff sein rechte syten dz ist dz best vnd dz lest vnder den reÿssen ~

Das ist ein stück

Item Sticht dir eyner zu der gemecht so stich ÿm auch zu dem gemecht einen stich den andern stich von oben nider auff sin lincke hant zwischen sein beyden armen vnd wind mit dem knopff von vnten auff ÿn sin rechte siten / Schrit mit dinem rechten peyn hinter sinen linckes vnd wurff in vber den rueck

Ein brüch

Item wer dir thutt so loß din swertt gen peÿ der clingen vnd begriff mit diner lincken hant hinten vber sin schultern vnd begriff din swert wider bÿ der clingen vnd druck ÿn vast zu dir vnd schwing dich von ÿm auff din rechte sÿtenn ~