Wiktenauer logo.png

Page:MS M.I.29 138v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Das ander reissen

Item Stich ÿm Inwendig zu dem gesicht wirtt er dir dz vnd setz dir den stich ab So wind mit dinem knaupff von vnden auff din lincke siten von oben nider in sin swertz clingen zwischen sin beyden henden vnd rüßt an dich So rieß im sin lincke hant von der clingen vnd stich ÿm dan zu dem gemecht ist er dir zü starck dz du ÿm die hant vom dem swert nit geriessen magst So wind mit dinem knaupff aber von vnden auff / auff din rechte siten vber sin lincke hant vnd stos yn mit der clingenn in sin lincke siten haulb von dir dan ~

Das tritt reissenn

Item Dün im glich als oben geschreben stott vnd ob beÿde swert gefangen wer So würff ÿm aber sÿn knaupff in sin rechte siten vnd spring mit dinem rechten peÿn hinder sin lincke vnd griff im mit diner rechten hant in sÿn peÿde ars backen vnd grif mit diner lincken hant von vnten auff ÿm an sin kÿnbacken vnd zuch vnden an dich vnd stos oben von dir so felt er an den rueck ~

Der vierde bruch

Item Wer dir mit der lincken hant fert vnder din kÿnbacken vnd nÿmpt dich mit diner rechten hant peÿ dem lincken arsbacken vnd wil dich vber rueck werffen So griff mit diner lincken hant ÿm auff sin lincke vnd griff In bÿ den fingern vnd prich ÿm die hant auff din lincke siten vnd var mit dsiner rechten hant an sin lincken elnbogen vnd nÿm ÿm dz gewiechtt ~