Wiktenauer logo.png

Page:MS M.I.29 134v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Item stich mit eynem glich ÿn auß der vntern hutt von diner rechten siten vnd biß starck am swertt vnd ist er auch starck So far mit dem knopff vber sich auff mit der rechten hant vnd mit der lincken hant leütt ÿm den ortt vber sin lincken arm an die brust oder vnter sin lincken vchsen vnd setz ym an vnd wind albeg an mit dem ansatz vnder die vchsenn in die hutten ~

Item das sint die vnter haulbenn vnd die auff sten ÿm kampff ~

Item Wan er felt So fall mit ÿm albeg zu der rechten siten vnd mit dem rechten knye fal ym albeg zwichsten sin peyn vnd mit der lincken hant far vmb sin halls vnd bis nicht zu geehen dz du nit zu ver vber in vallest vnd griff noch sinem degenn vnd zuch dinen tegen nicht du hapst in dan gewiß wil er dir dan in din degen fallen so stich ym zu der hant vnd rueck nicht wyder ~

Ein anders hebenn

Item Nÿm sin rechten arm zwischen dyn beyn vnd leg dich auff In zwergs vnd streck dich vast vnd halt din beyn fast zu samen vnd griff mit diner lincken hant sinen lincken arm vnd halt yn also vnd arbeÿt mit der rechten hant mit dem tegenn daß gett zu beÿden siten zu ~