Wiktenauer logo.png

Page:MS M.I.29 134r.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Item wiß das alle ober an setzung prechent vnd ledigen die andern vnd in allen an setzen soltu den knouff winden vnder dem rechten vchsen in die hut vnd also fier dich dringen mit sterck ~

Item Stichstü eynem zu dem gesicht auß der obern hut vnd felt er dir mit siner lincken hantt in din swertt schwueschen dinen beyden henden so wind mit dem knoupff Inwendig durch sinen arm auff deim lincke siten vnd ruck vber sich auff din rechte siten vnd setz Im ann ~

Nota

Item Stichstu eynem zu dem gesicht aus der vnten hutt von der rechten siten vnd er felt dir mit syner lincken hant in din swert zwischen dÿnen beÿden henden So wind mit dinem knopff aussen vber sinen lincken arm vnd setz im an dz heisset auß gezempt vnten vnd oben

Item wan du eÿnen hast gefast angesetz vnd er starck wider ist dz du In nit getringen magst vnd er grifft vnden durch sin swertt mit siner lincken hant vnd begrifft der din lincken vnd wil dir dz gewicht nemen vnd die weill den arm reÿttert die wil setz Im an vnden an die lincken vchsen so gewinstu im die schwech an wie starck er ist dz hilfft in nitt ~