Wiktenauer logo.png

Page:MS A.4º.2 27r.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Zum andern lertt dich der reim, wie du mit der zwirch es sey von oben oder sonst verfiren. Also in antrit so stell dich mit geberden, und haw ein gewaltigen zwirchaw zu seiner lincken, wüscht er mit seinem schwerdt gegen deiner zwirch es sey von oben oder unden, so laß nit riren, sonder zuck wider ab und zwirch zu seiner rechten gegen uber tieff, also magstu ihm die zwirch zur lincken unden drauen, und zur rechten ober treffen

Item zu rechten unden trauen und zur lincken unden treffen mit dieffer zwirch, also kanstu auch doppel verzucken, als wan du in zu lincker mit der zwirch als bald zur rechten drawest und triffest doch mit der zwürch zur lincken do du erstlich getrawet hast. Auff disse weiß kanstu zu beiden seitten kreitzweiß und ubereck, die zwirch verzucken, trauen und treffen noch gelegenheit nach gefallen, und ist auß keinem haw so sicher in gemein zufechten als auß der zwirch. ¶

Merck was fur zwirch mit spring wirdt gfiert
Auch feler mit, noch wuntschen riret

Merck in zufechten wan du zur lincken obern blöß zwirchen wilt, so spring wol auff darzu, und laß auch den kopf wol ubersich gehen, so geht die zwirch tief zum kopf, sonderlich wan du die geberdt also verstellen kanst auch gleich uhnversehens mit der zwirch doher springst, das er des sprungs nicht wahr nimbt,[1] biß es geschehen und die zwirch getroffen hatt, sihet ers aber und whert oder versetzt dir, so hastu in unden uber eck gewiß.

Item wan du dem man also in eim sprung hoch zuschlegst, mit der zwirch und last es aber nicht treffen, sonder neben seiner lincken fhel lauffen, schlechst alß in eyl mit der zwirch einer andern blöß zu so trifestu nach wunsch, dan eh er sich besint zu versetzen, so hastu anderst wo troffen. ¶

  1. The final letter “t” is written above the line, in replacement for a previously cancelled letter.