Wiktenauer logo.png

Page:MS A.4º.2 26v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

spricht Lichtenawer recht in sein verborgennen reimen zwir benimbt was von oben kümbt, zwirch mit der sterck dein arbeit damit merck das ist alle tach streich versetze mit der zwirch oder wie ich sie hie in meinen reimen gesetzt.

Dan alles was do kompt vom tag
Die zwirch solches versetzen mag
Im angrüff treib die zwirch mit sterck
Verkeren felen auch mit merck.

Hawet einer von tach so zwirch gegen seim streich mit sterck damit zwingstu ihn das er desto tieffer mit seinem haw zu thal fallen muß in dem es glitscht, so stoß dein knopf under deim rechten armen durch und verkher, druck undersich und laß die kling wider umbschnappen die kurtz schneid in sein gesicht, doch das du in verkheren und umschnappen[1] mit dem schnidt uff sein armen bleibst,

das stuck geht wol ahn wan du es in einer geschwinde machest, wuscht er dir aber mit den armen zubehend ubersich, laß dein kling umbfaren umb dein kopf das dein lang schneid fornen ahn sein arm khum, uberzwerch durch ein underhaw, wie die figur hernach außweist, aber laß die linck handt nit vom hefft sonder stoß in von dir mit geschrenckten henden.

Zum pflug und Ochsen biß behend
Im draw den haw bald wider end

Der reim ist an ihm selbst gahr deutlich, wie auch die andern. Nemlich das du zu dem pflug und ochsen, das ist, zur undern und obern blöß zu linck und recht behendiglich kreutzweiß und ubereck zwirchen solt zu allen vier theilen wie mit andern[2] hewen so in den 4 blössen hernach weitter gemeldt wirt und weittleuffliger. ¶

  1. The first letter seems to superscribe an initial “I”.
  2. The writer firstly wrote an “m” as a final letter and subsequently cancelled the last leg to get an “n”.