Wiktenauer logo.png

Page:MS 3227a 43r.jpg

From Wiktenauer
Revision as of 15:28, 29 September 2015 by Michael Chidester (talk | contribs)
Jump to navigation Jump to search
This page has been proofread, but needs to be validated.

^.+. Hanko pfaffen döbringers ·:~

Hie hebt sich an · der ander meist° gefechte / .+. Andres Juden · Josts von der nyssen · Niclas prewßen / etc

Ist hie yndert eyn degen
der sich dorczu wölle wegen
Czu lernen mit dem swerte
vnd sich auch doran kerte
wen is ist eyn höfeliches spil
vnd hat lüst vnd frewden vil
vor ritter vnd vor knechten
Is das her fichtet rechte
So wil ich im gebñ drey rete
dy sal her halden stete
Der erste rat ist auch gut
wer do ficht mit geringen mut
witzicleich an allen czorn
der fechter wirt selden vorlorn
ficht her and°s noch der lere
her gesigt vm~ermere
Der ander rat ist das
den wil ich nu sagen bas
das keyn man zo tump / sal seyn
weñe das selbe fechte~ bre~get pyn
der vier ader seche slaen wil
der nym~et ofte schaden vil
weñe im wirt vil ofte eyn slag /
den her nicht abe wischen mag /
den mus her im nu haben
Schande gespötte vnd auch de~ schaden
weñe dy selben nerreleyn
wellen io dy besten seyn