Wiktenauer logo.png

Page:MS 26-232 18v.png

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

22 Item ringstu mit einem gleichs fassens in den armen als die pauren, so senck dich vast nider in die wag und schleus dein arm nit zu um in, daz du sie prauchen mügst, und wen dich don(n) einer mit gewalt heben will, so wart, a(l)s bald er sich nider senkt noch der krast [1] und die pein peugt, so stos in mit deinem knie aussen an sein knie, als hie stett, so wurfstu in auf den rucken. D. g. z. p. s.

23 Item ringstu zu laufe mit einem, so tu, als wolstu in pei dem kopf fassen, und reck dich hoch auf, so f(a)e(h)rt er auch auf mit dem arm, als woll ers we(h)ren; und so du in in die hoch verfü(h)rst, pu(e)ck dich resch von im nider und stoß in mit dem kopf foren an die prust oder pauch und far im mit peden henden unden die füs, als hie stett, und wirf in auf den rucken. Daz gett zu peden seiten.

24 Item ringstu mit einem zu laufs, so wart, wen er zu dir kumt und will dich mit den armen an fallen, so stos im noch seinem lingen knie mit deinem rechten fus und mit deiner rechten hant schlach im noch seinen lingken arm, so zeucht er den fus und daz haubt hinder sich, so schlag in mit deinem lincken fus an sein rechten, als hie stett. so v(a)el(l)t er, pist (d)u anderst schnell. D. g. z. p. s.

  1. Verschrieben für kraft.