Wiktenauer logo.png

Page:MS 26-232 117v.png

From Wiktenauer
Revision as of 22:52, 2 January 2020 by Michael Chidester (talk | contribs)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

Spricht die Erst figur Jag von der prust zw seiner rechtenn hand

Item wen dw mit deiner glefen vnten durch sein recht weichssechst So las den zawm farn vnd kum mit der linken hand der glefen zw hilff vnd setz Im an

Item darumb Sprich die vorig setzst figur greiff an mit beiden henden die Sterck

Item die ander hutt

wen dw den ortt lest hangenn zw deiner linken seytten vnd dw mit Im zw samen Reytest So streich Stett mit deiner glefen zw seiner Rechten seytten vnd las den zawm farn vnd kum mit der linken hand der gleuen zw hilff als vor

Item auß der dritten hutt

wen dw die glefen hast In der mit mit paiden henden vnd mit Im zw samen Reytest so setz Im sein gleuen mit dem fodern teill deiner gleu mit payden henden mitt vnd reytt fur dich vnd setz Im ann

Item die vierd hutt

wen dw hast ein halbe glefen vnd er ein gantze vnd dw mit Im zw samen reitest So las den zawm farn vnd leitt In mit der linken hand ab sein gleuen vnd reitt fur dich vnd setz Im an

Item vnd darumb Spricht die zwelfft figur mit lerer hand ler zwen Stich gegen aller wer

Item dw magst die halben gleuen auch In der mit haltenn vnd damit also setzen gleich als mit der langenn

Haw drein nit zuck
von schaiden Linck zw Ime Ruck
Greiff In sein Rechten
So vehestu In an mit vechtenn

Merck ob Ir beid In dem anreyten felet mit der glefen So laß zw hand dein glefen fallen vnd reitt seiner rechten seitenn zw vnd zeuch weder Schwertt noch messer wurff dein Roß vmb also das dw mit deiner linken seytten komest an sein Rechte vnd war nur auff sein R. hand

Item wen dw neben Inn komest vnd hatt sein Schwertt gezogenn vnd will Schlagen So greiff mit der linken hand an den elnpogenn vnd Stoß In oben von dir vnd erheb In mit dem linken fus sein Rechten