Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/45

From Wiktenauer
Revision as of 17:35, 29 October 2018 by Michael Chidester (talk | contribs)
Jump to navigation Jump to search
This page has been proofread, but needs to be validated.

Krumphauw.

DIser Hauw wirt also volbracht / stehe in der Zornhůt mit dem Lincken fůß vor / Hauwet dein gegen Man auff dich / so trit mit deinem Rechten fůß wol auß seinem streich gegen seiner Lincken seiten / Hauwe mit Langer schneid vnnd geschrenckten henden seinem hauw entgegen / oder zwischen seinen Kopff vnd Klingen / vberzwerch auff seine hendt / vnd laß die Kling wol vber seinen Arm vberschiessen / wie solches in der Figuren mit dem D an obern bossen zůr rechten Hand zůsehen.

Zwerch.

ZU der Zwerch schick dich also / stell dich im zůfechten in die Zornhůt zůr Rechten (davon in vorgedachte Capitel) das ist / setz deinen Lincken fůß vor / halt dein Schwerdt an deine Rechte Achsel / als ob du ein Zornhauw thun wolltest / Hauwet dan dein gegen Man auff dich von dach oder Oben / so Hauwe zůgleich mit halber schneid / von vnden vberzwerch gegen seinem hauw / behalt dein kreutz hoch ob deinem Haupt / damit dein Kopff versetzet sey / vnd mit dem hauw zůgleich trit wol auff seine Lincke seiten / so versetzestu vnd triffest mit einander wie die zwen bossen in der Figur mit dem H gegen der Lincken anzeigen. Wie du diese Zwerch zůr Lincken volbracht / also soltu sie auch gegen seiner Rechten in das weck richten / allein das du gegen seiner Rechten mit Langer schneide antreffen solt.

Kurtzhauw.

DIser ist ein heimlicher durchgang / vnd wirt also gemacht / wann man von Oben zů dir einhauwet / so stelle dich als woltestu mit dem Krumphauw / das ist mit halber schneide auff sein Schwerdt anbinden / vnderlaß es doch / vnnd fahr behend vnder seinem Schwerdt durch / schlahe mit halber schneid vnnd geschrenckten Armen