Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/333

From Wiktenauer
Revision as of 19:16, 26 June 2021 by Michael Chidester (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

Auß diser Hut kanstu Abschneiden, Dempffen, von Unden ubersich außschlagen, Sperren und was dergleichen stuck seind, die du alle in andern Legern weitleuffiger beschriben findest, auß welchen du es auch wol in dise Hut durch übung bringen kanst.

Underhut zur Rechten welche wirt auch Nebenhut genant, wie du darauß Fechten solt.

AUß diser ficht also, wann er dir (dieweil du in die Nebenhut ankomen bist) zu sticht, so trit mit deinem Lincken fuß wol hinder deinem Rechten zu im, gegen seiner Lincken seiten, und trit mit dem Rechten auch fürter zu ihm, unnd in solchem tretten stiche auß der Underhut gerad gegen seinem gesicht, aber in dem du also hinein stichst, so wende die Lange schneid sampt dem geFeß gegen seiner klingen, auff das du ihm sein klingen hiemit abwendest, und also in dem du versetzest, zu gleich auch mit der spitz antreffest, so bald du den stich vollendet hast, so hebe dein klingen mit außgestrecktem Arm ubersich gegen deiner Rechten, unnd Hauwe behends wider von Oben nider auff die mitte seiner klingen, also das du ihm sein klingen starck ausschlagest, unnd ehe er sich wider ermane und auff kompt, so Stich ihm eilents wider gerad für dir hin gegn seinem gesicht.

Wie du auß diser Hut Abschneiden unnd nach Fechten solt.

STicht oder Hauwet dein widerfechter von seiner Rechten auff dich, so erhebe dein Wehr (in dem er hersticht) ubersich gegen deiner Rechten, under des trit auch mit deinem rechten Fuß ferner zu ihm, unnd Hauwe zugleich mit solchem zutretten gegen seiner herfliegenden klingen, von deiner Rechten schlims uberort starck durch, in solchem hauwen aber soltu dein geFeß der klingen im herab fahren etwas vor führen, zu dem auch durch weit tretten mit dem obern leib wol fürsich undersich gesenckt komen, führe im also sein klingen durch disen hauw mit auß=