Wiktenauer logo.png

Difference between revisions of "Page:Gründtliche Beschreibung der Kunst des Fechtens (Joachim Meÿer) 1570.pdf/272"

From Wiktenauer
Jump to navigation Jump to search
 
Page statusPage status
-
Proofread
+
Not proofread

Revision as of 15:48, 27 May 2021

This page needs to be proofread.

zům Kopff. Dise drey háuw so du sie recht machst / werden in einem lauff mit einer geschwinde verricht / aus disem Doppelhauw ist leichtlich abzůnemen / wie man all ander háuw doppeln solle. Was nun weiter anlangt die Fůßháuw / schlims vnd vberzwerch / sampt den schlegen / welcher dann auch gleich wie der háuw vier sein / nemlich Ober / Schlimer / Vberzwercher vnd vnderschlag / kónnen auch mit in vnd außwendiger flech verricht werden.

Dieweil aber solche alle in stucken hernach gut zůverstehn / also das vnnótig von solchen hie insoderheit zů handeln / wil derohalben nun ferner die stich / wie vil deren / vnnd wie man die Fechten sol anzeigen / vnd solche zů schreiben fúr fahren.

Von stichen.

Cap. 5.

DEr stich aber seind fürnemlich drey / auß welchen die andern alle entspringen vnd herfliessen / Námich / der Erste von Oben / der ander von vnden / deren ein jeder von beiden seiten gemacht wirt. Der drit geht von deiner mitte gerad von dir hin in das Lang ort / aus disen dreyen Hauptstichen / will ich dir etliche so auß den selbigen wie gemelt hieher setzen / auß welchen du alle andere stich genugsam verstehn vnd lehrnen kóñen würst / Den Oberstich aber welcher aus dem rechten Ochsen gegen des Manns gesicht oder brust gericht soll werden / treib also / schicke dich in die Oberhůt des rechten Ochsen von der du oben gelehrt bist / erhebe alda dein rechten fůß zů einem fürtritt vnd gleich mit solcher erhebung deines Fůßes / zůcke dein gefáß / auf deiner Rechten Achsel hindersich zůruck / zů erholung eines starcken stosses / von dannen stich mit einem weiten zůschritt / deines erhebten fůß gegen seiner brust zů / aber in dem solcher stich eben antreffen solle / so wende die Lang schneyd schintsweise vndersich gegen deiner Lincken / also das du nach endt des stichs / mit deim vordern Kni wol fürsich gebogen / vnd dem Oberleib wol darüber fürsich dem stich nach gegen der erden gesenckt seyest / vnd das nach volendung des stichs dein Kling mit außgefirecktem arm langs vor deim fust / jm herab schneiden auff die erden komst / von dannen fahre mit langer schneyd vnd erholtem fůß wider vbersich in den rechten Ochsen / aller dings / wie du anfangs gestanden bist / das geht zů beiden seitten.