Page:Gründtliche Beschreibung der Kunst des Fechtens (Joachim Meÿer) 1570.pdf/246

hóher zu verseten / in des sencke dich mit deinem Leib sampt einem zusprung ein wenig nider / vnd fahre jhm mit dem hindern ort / das ist mit dem gehültz vnder seinem Dusacken hinein auch zum Gesicht / falt er mit dem Dnsacken hernach / so stich jn mit dem vordern ort abermal außwendig vber sein rechten Arm / wie du an den kleinern Bossen in hieuor getruckter figur welche mit dem Buchstaben O. verzeichnet / zur lincken Hand oben sehen kanst / demnach hauw dich wider von jm durch das kreutz / oder wann dich einer vberlauffen will / mit hohen Streichen / so fang jm den auch noch also hoch in der lufft / von vnden auff dein Bogen / mit einem weiten zusprung vnder sein Wehr / in dem er glützt oder rúhret / stoß jn mit dem gehültz vnder sein Dusacken / in sein Gesicht / als dañ vollenden das stuck wie vor.

Es seind erliche die habens im brauch / nach dem sie die Armé mit allerley lumpenwerck wol verwatet haben / nemen sie den Kopff zwischen die Arm / vnnd lauffen einem dem nechsten vnder sein Wehr / denselben dieweil du dich vor seiné einfall von Oben besorgen / vñ mit keinen stucké dich blóssen darffst / soltu dich dreyerley stuck brauchen / Erstlich wañ er dir also vnder die Wehr lauffr / so fahr zugleich mit deinem Arm auch auff / vnd bleib mit Versatzung hoch / vnd schlag jhn dieweil jr beide mit den Armen hoch seind / mit krummer schneid in einem schnall in sein Gesicht. Zum andern wehrt er dir solches / so fahr mit dé ort aussen vmb sein Arm / vñ schlag jhn mit krumer schneid außwendig seines rechté Arms auff sein Kopff / wie dir solches in hieuor getruckter Figur G. die kelinern Bilder zwischen den grossen anzeigen.

Jtam bleib mit beiden Henden auch hoch / vnd behalt dein Lincke ober deinem Kopff / nahet an seinem gehültz / vnd schlag jm dieweil behendt ehe dann ers ersicht / vnder seinem lincken Arm hinden zum nack / hieuon besihe die kleinern Bossen in gemelter Figur zur lincke Hand / demnach wann du abermal so nach zu dem Mañ kommest wie jetzt gelehrt / so soltu im wegk oder abhauwen vor jhm in keinen weg durchhauwen / du kónnest jhm dann mit einem außtrit seinem oberhauw entweichen.

Wann du dich aber sicher von jm abhauwen wilt / so stell dich mit geberden sam du dich mit ernst vor jm durch seiner Blóß zu verhauwen wóllest / thů es aber nicht / sonder verwendt dein Hauw in vollem lauff zu einer Versatzung / in das Langort / das die Lang schneid gegen seinem herfliegenden Streich (den er dir eilent nach hauwet) gewendet sey / dañ so bald er merckt das du vor jm durch / der Blóß zuhauwen wilt / so wirt er behend von Oben