Wiktenauer logo.png

Difference between revisions of "Page:Gründtliche Beschreibung der Kunst des Fechtens (Joachim Meÿer) 1570.pdf/392"

From Wiktenauer
Jump to navigation Jump to search
 
Page statusPage status
-
Proofread
+
Not proofread

Revision as of 13:28, 5 July 2021

This page needs to be proofread.

lern bossen in der Figur A. des rechten Arms / vnd brich mit solchem schlag also von Undé vbersich durch / nach solchem vbersich schlagen ergreiff jn bey dem rechten Elenbogen / vnnd mit der Lincken hand greiff vnder dem Elenbogen an sein Arm / vnd trit mit dem Rechten fůß zwischen sein Beyn oder darhinder / vnd stoß in von dir.

Wann dir aber einer vmb dein leib fehrt / es sey mit Lincker oder mit rechter / so schlag mit demselben Arm vnder welchem er griffen hat / außwendig an sein gelenck / vnd wend dich von jhm.

Item hab acht als bald er sein Fůß starck helt / so trit jhm darwider / merck in allen Ringen das er dich nicht an die gemácht stoß / also hab acht als bald er sein Fuß auffhebt zům gemecht stoß / so schlag mit deinem Kni gegen seinem auß / trit jhm als dann nach mit einem trit oder stoß.

Item so dich einer beschlossen hat / oder nach dir grifft mit offenen henden / so schauw das du jhm ein Finger ereylst / den brich vbersich / so muß er lassen oder gewinst dein vortheil sonst.

Item Ringestu mit einem gleichgefasset / so schauwe das dein bede Arm vnden komen / begreiff jhn also bey der mit / vnd heb jhn von der erden / in dem du in also auffhebest / so schlag jhn mit einem Fůß an sein bein / vnd schwing jhn zůr andern seiten so fellet er.

Item so dich einer vmb den leib anfallet / vnd will dich heben vnnd werffen / so setz jhm ein Kni zwischen sein beide bein hart an / so mag er dich nicht auffhehen / in dessen hab acht als bald er dich hebt / vnd auff welche seiten er dich schwencken will / so hilff dir auff die ander.

Merck felt dir einer vnden an dein Bein (wie oben gelehrt) dich zůwerffen / so falle jhm mit dem leib auff seinen leib / vnd fang jhn mit der Lincken vmb den halß / truck mit derselbigen hart an dich / vnd mit der Rechten hand wart deines vortheils.