Wiktenauer logo.png

Page:Escrime Novvelle ou Theatre (Nicoletto Giganti) Book 1 1619.pdf/7

From Wiktenauer
Jump to navigation Jump to search
This page needs to be proofread.

Au reste, quelle soit la dignité, & consideration de ceste profession, quelle bienseance & gracey foit requise, quelle reputation & honneur luy soit deue, & fïnalement quelle soit l’obligation de celuy qui porte espee & en fait profession: le dis quant à la dignité & consideration, que le tout deriue de ses qualitez à la cognoissance, desquelles on paruient par la diuision d’icelle. Or est la science de l’espee diuisee en trois parties: Desquelles la premiere se diuise en deux, ascauoir en naturelle & artificieuse. La naturelle est vn discours demonstratif, duquel l’homme se sert naturellement tant au parer qu’au fraper, cerchant de son propre enrendement les moyens subministrez de la nature tant pour sa defense, que pour offenser son ennemy: de quoy souuent on voit l’experience en vn homme courageux, qui en vne querelle vient au dessus de tel qui estoit reputé pour grand maistre en cest’art.

L’Artificieuse est celle, qui auec l’entendement & exercice comprend soubs certaines reigles les moyens de scauoir parer & fraper sans danger auec temps & mesures: dont l’homme tombant en quelque querelle, emprunte les vrays moyens d’asseurer sa personne. Desquelles deux qualitez l’Auteur monstre en ses leçons vne tresgrande cognoissance, dont le lecteur s'en trouuerá entierement satisfaict.

La seconde partie est cellecy, ascauoir, que la Science autificieuse de l’espee se diuise en deux: En Demonstratiue & Exercitée La Demonstratiue est celle, qui demonstre le vray moyen de scauoir parer & fraper, tant de pied ferme, que de passade, & quant on doibt ferrer l’ennemy, ou quand on se doibt retirer, par ces l’gnes, cercles & circonstances dessus mentionnees, selon lesquelles l’entendement se va reiglant, & compartit les diuerses postures & contrepostures du corps. L’Exercitée est la mesme Demonstratiue, laquelle acquise, est appliquée à la cognoissance de plusieurs aduertissemẽts, & n'ya difference de l’vne à l’aultre, sinon que la Demonstratiue est a part soy, mais l’Exercitée sert à la cognoissance de plusieurs choses.

La troisiesme partie est cellecy: Que la science Demonstratiue de l’espee est derechef diuisée en deux: La premiere Demõstratiue consiste es termes incõplex, cest à dire, en termes simples, ou composez, lesquels comprennent en soy plusieurs aultres termes d’eux mesmes demonstratifs de diuers accidents, comme d’estre hors de mesure, auec les bras ouuerts, les armes haultes ou basses: qui sont appellez termes incomplex, cest à dire, termes non entendus de l’ennemy: Aussi sont ils appellez simples, pource qu’ils sont naturels, & composez, pource qu’ils ont des considerations diuerses. Et ceulx cy sont diuisez en premiers, & en seconds. Les premiers, sont les conceptions des choses reeles apprises par l’entendement, comme sont, le parer & le fraper. Et ceulx cy sont de premiere ou principale intention. Les seconds sont les conceptions formecs de l’entendement: & ceulx cy font la seconde