Wiktenauer logo.png

Page:Ergrundung Ritterlicher Kunst der Fechterey (Andre Paurenfeyndt) 1516.pdf/75

From Wiktenauer
Jump to navigation Jump to search
This page has been proofread, but needs to be validated.

STUCK.

Leger dich in die versaczung, dein stangen for dir auff der erdt, den andernn ort formm gsicht, stost dir ainer zu windt ym sein stangen uber die handt mit deiner stangen dar mit du yn plest trit dem stosz frelich nach gegen seinem gsicht

PRUCH

Wan dir ainer dein stang ausz windt so weich ym ausz seim stosz, und wirffel yn obremkopff so wingstu ain folling straich mit der versaczung

STUCK

Schlecht dir ainer zu mit der stangen unden zu den fuessen oder zu den knorren fo wirff dein stangen auff dein lincke seitten mit dem ort, far dir auff die erdt gegen seinem straich und spring mit dem rechten fusz hinder sein lincken fusz so gwingstu ym ain fortal an

STUCK

Stosz ym inbendig zu seim gsicht, werdt er dasz, so zuck und stosz zu der andernn seitten wert er aber und wendt dir dein stosz ab, so far mit dem andernn ort uber sein rechte achsel umb den halfz, und fpring mit dem rechten fusz hinder seinen lincken und wirff yn dar uber

PRUCH

Wan dir ainer mit seiner stang umb dem halsz fert, so pegreiff ym sein rechten armm mit deiner lincken hant und went dich von ym auf dein rechte seitteu[!] und wirf yn uber dein lincke huff