Si ton ennemy te veut donner de premiere, il te faut parer avec un revers, & luy donner en mesme temps un droit au visage, ou bien parer de dehors, & le fraper de seconde. Ainsi mettray je fin au discours de taille & destramasson. Par noz discours il semblera a plusieurs qu’il est difficile d’offenser & de se deffendre de la pointe, d’aissallir & de parer, parce qu’il y a beaucoup de feinte, ce qui ce peut faire aisement neaumoings.
Pour ne refroidir le courage des Cavaliers, & pour ne leur oster l’asseurance d’aller frapper leurs ennemys venant aux mains, ceste façon de frapper est fort bonne.
Dautant que la premier garde est espouvantable, & semble dificille portant un coup plus dangereux : pourtant veu-je que tu t’avance, le premier, allant devant deux ou trois pas jusques à ce que tu voyes ton coup, & que tu puisses frapper ton adversaire, il te faut soudain sans te fermer tirer droict au visage, &
