POUR FRAPPER DE TAILLE Chapitre 22
POUR frapper de taille, si tu veus estre le premier assaillant, il te faut estre sur la tierce assez large, l’attaquant de ceste sorte, si ton ennemy tient son espee longue en la tierce tu hurtera sa pointe du revers de ton espee comme le lieu le plus foible, & s’il te porte de droict fil au visage, ou a la jambe demeurante avec son espee en quarte, pour parer quelques coups, en retirant ta pointe il te faut parer de la quarte, en allant en la seconde de laquelle tu luy porteras en lestomac, apres il te faut retirer le premier afin quil naye l’assurance de te venir porter. Et au cas quil vienne a la desesperade a te tirer un estoquade dessous main, il te faut abaisser la tienne en bas pour empescher son espee, & soudain tu luy donneras en l’estomac le frappant le premier.
